di Felice Nicotera


Moreno ‘e fronne!
Trase ‘o primmo friddo…
E tu ‘int’e suonne
me tuorne a lusingà…


Allora tengo mente
tutt’’e mumente nuoste
comme si eternamente
campasse ancora ccà…


Ricordo ‘a canzuncella..
e ‘addora de’ capille…
‘Na freva sott’’a pella
faceva sfrennesià…


Suffrenno pe’ stu bbene
‘o core ‘ngenuamente
passava ll’ore sane
sfidanno ‘a libertà…


T’abbraccio… Malafemmena
c’ancora me faie chiagnere…
Te chiammo…e ‘na campana
triste risponde già…..

Gli articoli di “Napolitudine”