di Felice Nicotera – sezione “Natale In…Arte e poesia”
In merito all’invito fatto l’amico Felice Nicotera ci fa omaggio dalla sua raccolta giovanile “Suonno d’autunno”, due poesie: Natale (vincitrice del premio di Poesia Internazionale Museo Scienza e tecnica di Milano negli anni ’80) e ‘O pennacchio.
NATALE ‘Ncielo ‘na fascia ‘e luna.. ‘Na putechella aperta… E nnuie ‘nnanz’’o vrasiero stevamo a pazzià… Che sfizio chella neve! E ‘a nuvena de’ zampogne? E ‘o cunto ‘e Biancaneve? Che m’arricordo a fa?.. Cert’è c’’a menta toia malata (e so’ tre anne) chilli mumente ‘e core cchiù nun po’ suspirà… Ma ‘o trillo ‘e na chitarra te ‘mbriaca ancora ‘e vvene.. E dint’all’uocchie veco ‘na lacrema spuntà…
‘O PENNACCHIO Appise a’ ‘n’arbero ‘ndurato quatte palline e ‘na stella cometa… ‘Ncopp’’o pennacchio ca stà tutto stuorto pare ca chiagne pe’ chesta sciorta… Certo sperisce nu raggio ‘e sole ma fore sparano botte ‘a sorpresa.. Ppe ‘mmiezz’’a vvia de’ lluce ‘e Natale ‘a ggente cuntenta corre ‘int’a chiesa… Comm’’o pennacchio ‘e st’arbero morto ‘o core suspira ‘na voce luntana.. ‘Na voce addurmuta, purtata da’ ‘o viento.. scetata ‘a ‘ntrasatte ‘a nu tuocco ‘e campana…
Le pubblicazioni di “Natale In…”
[catlist name=natale-in-2020 numberposts=1000]