di Felice Nicotera
‘IURNATA ‘E PASCA di Felice Nicotera da Suonno d’autunno ed. dell’Ippogrifo 1986 Ogge ll’aria è pesante! Sti nuvole avascie pare diceno “fuie ca ll’acqua è vicina…” E chest’’a chiame Pasca? Nun vide? Tutto è cagnate… E ‘o sole scontento e appartate, nun splenne cchiù cielo… Pecchè chesta festa d’abbrile nun parla cchiù ‘o core de’ ccose gentile? de ccose ‘e ll’ammore?... Pecchè chesta Pasca ca more nun trova peccate nnucente po’ core sulagne ca sente ‘o gelo ‘e nu triste destino? E ‘o cielo compagno ‘e sfortune, mena tant’acqua a zeffunno… ‘Ntramente nu tocco ‘e campane me porta doce nu suonno… E sunnanno ‘na voce luntana chiagne’o core ‘o mistero da vita… Passa ‘a morte da sera a’ matina .. e t’accuorge ca overo è fernuta….